Номинчууд бид хот, хөдөө орон нутгийн 60 салбараараа дамжуулан үйлчлүүлэгчид болон ажилтнуудынхаа дунд "Хайр Хуваалцахаас Эхэлдэг" уриан дор хоол хүнсээр хязгаарлагдмал зорилтот бүлгийн өрхүүдэд зориулж хүнсний бараа бүтээгдэхүүний хандив цуглуулах зорилгоор #ShareBox хандивын аяныг зохион байгууллаа.
Энэхүү аян цаашид уламжлал болон зохион байгуулагдах болно.
Номинчууд бид 15 дахь жилдээ "Эх Үрсийн Баяр"-аар нэрд нь Номин орсон хүүхэд бүрд бэлэг өгдөг уламжлалтай. Одоогийн байдлаар 21,000 гаруй Номинд бэлэг өгсөн байна.
Мөн бид жил бүр Эрүүл Мэндийн яамны харьяа “Геронтологийн Үндэсний төв”-тэй хамтран “Ахмадаа Ачлая” эмнэлгийн анхан шатны үзлэг зохион байгуулдаг уламжлалтай. Уг үзлэгт хамтрагдсан ахмад настнуудыг үнэ төлбөргүйгээр хэвлийн эхо, зүрхний цахилгаан бичлэг, дотрын эмчийн үзлэгт хамруулдаг бөгөөд сүүлийн 5 жилд 2500 гаруй ахмадууд хамрагдсан байна.
Нийгэмд эерэг хандлага төлөвшүүлж, хүн бүр бие биедээ хайр энэрэл, урам зориг, сэтгэлийн дэм хайрлахыг уриалах зорилгоор “Номин Холдинг” ХХК сайн үйлсийн аяныг тогтмол дэмжиж, зохион байгуулдаг.
“Өгөх нь авахаасаа илүү ерөөлтэй” сайн үйлсийн аяныг 3 дахь жилдээ зохион байгуулж, Батсүмбэрийн асрамжийн газрын 150 гаруй ахмад настанд сэтгэлийн бэлгээ гардуулан, нэг өдрийг тэдэнтэй хамт өнгөрүүллээ.