“Топ Экстрим Экшин Монголиа” ХХК нь 2012 онд үүсгэн байгуулагдаж, 2024 оноос “Номин Трейдинг” ХХК-ийн бүрэлдэхүүнд нэгдэн Монгол Улсад хэт хөнгөн агаарын хөлгийн үйл ажиллагааг хөгжүүлж буй анхдагч байгууллага юм.
Бид байгуулагдсан цагаасаа эхлэн хөнгөн агаарын хөлгөөр богино болон урт зайн аяллын нислэгүүдийг осол авааргүй, аюулгүй гүйцэтгэж, өнөөдрийн байдлаар 3,500 гаруй хүнд агаараас Монгол орны үзэсгэлэнт байгаль, уудам талыг харах мартагдашгүй аяллыг мэдрүүлээд байна. Энэ нь зөвхөн аялал бус, тэнгэрт эрх чөлөөг мэдрэх онцгой туршлага бөгөөд мэргэжлийн багш нисгэгчийн хамт 12–30 минутын нислэгээр жинхэнэ нисгэгчийн мэдрэмжийг биеэр мэдрэх боломжийг олгодог.